Жұмыс күйзелісімен күресу жөніндегі тәжірибелік ұсынымдар
Күйзеліс денсаулыққа оң әсер ету үшін оның әсері мөлшерленген болуы тиіс. Жағдай созылмалы сипатқа ие болып бара жатса, әлсіреуге, күйгелектікке, тітіркенгіштікке және ұйқымен қиындықтардың туындауына дайын болыңыздар. Не істеу керек және өзіңе қалай көмектесуге болады? Бұдан әрі осы туралы әңгімелесеміз.
Уақытты басқару
Жұмыс және жұмыстан тыс күйзеліске адам жиі өзін-өзі итермелейді. Кейде өзіңе осы үшін жауапкершілік алып, әдеттегі өмір салтына түзетулер енгізу керек. Негізгі ұсынымдар:
- Жұмыс уақытын жоспарлаңыз. Нені және қалай жасау керектігін көрнекі түсіну бейберекеттіктен және бастырмаланып қалудан құтылуға көмектеседі. Нақты міндеттер мен уақыттық шектеулерді белгілеңіз. Іске асыруға болатын уақытты белгілемеу – күйзеліс пен шаршауға жеткізетін тікелей жол.
- Өзіңізге көп жүк салмаңыз. Өз күшіңнің шыңырау шегіне (кейде шегінен шығып) жетіп өмір сүруге болады, бірақ күшің қаншалықты ұзаққа жетеді. Өзіңді тығырыққа тіреу оңай, бірақ артынан жағдайды түзету- ауыр. Жұмыс міндеттерін, жүктемелерді барабар бағалаңыздар және оларды өз мүмкіндіктеріңізбен салыстырыңыз.
- Біріншілік міндеттерді белгілеп алыңыз. Барлық істі тындыру мүмкін емес. Ең бастысына үлгеру үшін, өзіңіз үшін ең маңыздыларын белгілеп алыңыз. Барлық мақсатты топқа бөліп, ең маңыздыларынан бастаңыз. Жанама мақсаттарды шегеріп қоюға немесе маңызды болмағандықтан мүлдем сызып тастауға болады.
- Көп мақсаттылық туралы ұмытыңыз. Ол адамның күшін шашыратып жібереді және барлық істі бірдей жақсы орындауға мүмкіндік бермейді. Басты назарыңызды бір жерге тоғыстырыңыз – бұл барлығын жоғары деңгейде орындаудың және ойдың айқындылығын сақтау қалудың басты әдісі.
Лайфхак. Назарды жақсырақ шоғырландыру үшін тітіркенгіштікті басу керек. Өз күшіңізді жұмылдыруға ненің кедергі келтіретінін түсініп, сол факторлардан құтылыңыз.
Релаксация және физикалық жаттығулар
Мамандар медитация әдістерін маңдайалды ми қыртысына арналған спортзалға жатқызады. Тұрақты сеанстар эмоционалды әрекет ету жылдамдығын басқаруға, зейінді дамытуға және күнделікті өмірде өзін бақылау қабілетін сақтауға көмектеседі. Зейініңізді жұмылдыра білу дағдысы барлық жерде және әрқашан пайдалы – сіз біріншілік міндеттерді белгілеп алыңыз, сондай денсаулыққа зиян келтіретін ұсақ-түйектерге ойыңызды шашыратпайсыз.
Күйзеліске төзімділікті арттыру үшін тыныс алу жаттығуларын жасаған дұрыс. Терең тыныс алу, баяу дем шығару парасимпатикалық жүйеге оң әсер етеді, адасып жүрген жүйке тонусын арттырады.
Дене жаттығуларының маңызы зор. Асқақ мақсаттарды белгілеу, спорттық жетістіктерді көрсету міндетті емес. Таңертеңгі жүгіру немесе жаттығу жасау да тамаша әдістердің бірі.
Физикалық денсаулыққа қамқорлық
Жаттығу жасау ақпаратты есте сақтауға жауап беретін дофамин нейромедиаторының жасалуын күшейтеді. Өзіңізге ұнайтын спорттық бағыттарды таңдаңыз, осылайша жаттығу жасау барынша пайдалы болады. Спорт кортизолдың жасалуын азайтады, білім алу дағдысын жақсартады.
Дұрыс теңгерімді тамақтану туралы ұмытпаңыз, өмір салтын қалыпқа келтіріңіз. Бір уақытта ұйықтап, бір уақытта тұрыңыз, шамадан тыс жұмыс жасамаңыз, өзіңізге уақыт бөліңіз. Бұл біздің өмірімізді қалыптастыратын ұсақ-түйектер. Егер ұйықтай алмай қиналсаңыз, ұйықтар алдында шөптен жасалған тыныштандыратын Персен препаратын қабылдауға болады.
Шабыт
Өзіңізге шабыт беретін іспен айналысыңыз немесе көптен бері тастап кеткен хоббиге тұрақты уақыт бөле бастаңыз. Өмірдің кішкентай қуаныштары бір қарағанда мардымсыз болып көрінгенімен әлдеқайда маңызды рөл атқаруы мүмкін. Көңіл-күй өзін-өзі бақылауға қажетті күш береді– және сізге оны көтеруге көмектесетін әдістерді білу керек.
Допамин, эндорфин күйзеліске төзімділікті арттырады, жағымды ойлар сыйлайды. Сіз сурет салумен, оқумен, театрларға барумен, сноуборд тебумен, достарыңызбен сөйлесіп, жақындарыңызбен құшақтасып, ит асыраумен айналыса аласыз – дәл немен шұғылданатыныңыз маңызды емес. Ең бастысы, бұл әдіс дәл сізге лайық болуы тиіс.
